Deputeti i Frontit Europian, Salih Murat ka reaguar ndaj situatës së djeshme në Kuvend për çështjen e Gazës/
“Dyfytyrësia e VLEN-it në çështjen palestineze
Qasja e paqëndrueshme e partnerit të koalicionit VLEN në çështjen palestineze në Maqedoni është një shembull i qartë i dyfytyrësisë politike.
VLEN, edhe pse është partner koalicioni, nuk ka ndërmarrë asnjë hap efikas për çështjen palestineze. Në të dy votuamet në Këshillin e të Drejtave të Njeriut të OKB-së, Maqedonia votoi kundër Palestinës në emër të qeverisë VMRO-VLEN. Për këtë çështje, si deputet, kam paraqitur pyetje parlamentare drejtuar Kryeministrit lidhur me të dy votuamet e Republikës së Maqedonisë. VLEN ka pjesën e vet në turpin që Maqedonia është një nga vetëm dy vendet në botë që votoi kundër të drejtës së popullit palestinez për vetëvendosje.
VLEN, si partner koalicioni që nuk mund të ketë ndikim në qeveri ose nuk dëshiron ta ketë, tani po përpiqet ta paraqesë iniciativën humanitare të Frontit Evropian si suksesin e vet.
Akuza e zëdhënësit të VLEN-it, se Fronti Evropian bën “manipulim” në të vërtetë tregon natyrën oportuniste të partisë së tij. Pronarët e vërtetë të propozimit për vendim për ndihmë humanitare për Gazën janë deputetët e Frontit Evropian. Përpjekja e VLEN-it për ta përvetësuar këtë iniciativë është vjedhje politike.
Problemi më i madh i VLEN-it është papajtueshia. Nga njëra anë, si partner koalicioni hesht për vendimet e marra kundër Palestinës, ndërsa nga ana tjetër aplikon standard të dyfishtë duke mbështetur iniciativën humanitare të opozitës.
Ky qëndrim tregon se VLEN-i nuk e internalizon çështjen palestineze, por e sheh vetëm si material politik.
Qëndrimi parimorë dhe i qëndrueshëm i Frontit Evropian për Palestinën i bën edhe më të dukshme mospajtimet e VLEN-it. Çështja palestineze është një fushë ku duhet të mbizotërojnë vlerat humane, jo llogaritjet politike.
VLEN-i shmangiu të marrë përgjegjësi si partner koalicioni dhe u përpoq të përvetësojë iniciativat e opozitës, duke bërë oportunizëm politik. Kjo situatë tregon se sa të rëndësishme janë parimet dhe qëndrueshmëria në politikën maqedonase.”, shkruan Murat.
